തമിഴ്നാട് വാർത്തകളുടെ chennaimalayali.com അപ്ഡേറ്റുകൾ ലഭിക്കാൻ ജോയിൻ ചെയ്യുന്നതിനുള്ള ലിങ്കുകൾ 👉 Whatsapp https://chat.whatsapp.com/I7wOVFE0hHEHIQJH3oxQdZ 👉 Facebook https://www.facebook.com/chennaimalayalimedia
👉 Telegram https://t.me/joinchat/-y1PYqx0N5xmYzdlചെന്നൈ: മുല്ലപ്പെരിയാര് അണക്കെട്ട് നിര്മ്മിച്ച ബ്രിട്ടീഷ് എഞ്ചിനീയറുടെ പ്രതിമ സ്ഥാപിക്കാന് തമിഴ്നാട് സര്ക്കാര്.
നൂറ്റാണ്ടുകള് പഴക്കമുള്ള വരള്ച്ച പരിഹരിക്കാനാണ് മുല്ലപ്പെരിയാര് അണക്കെട്ട് പണികഴിപ്പിച്ചത്. ബ്രിട്ടീഷ് എഞ്ചിനീയറുടെ പ്രതിമ സ്ഥാപിക്കുമെന്ന് തമിഴ്നാട് സര്ക്കാര് ശനിയാഴ്ച പ്രഖ്യാപിച്ചു.
19ാം നൂറ്റാണ്ടില് അണക്കെട്ട് നിര്മ്മിച്ച ബ്രിട്ടീഷ് എഞ്ചിനീയര് കേണല് ജോണ് പെന്നിക്യുക്കിന്റെ പ്രതിമ സര്ക്കാര് സ്ഥാപിക്കുമെന്ന് മുഖ്യമന്ത്രി എംകെ സ്റ്റാലിന് പുറത്തിറക്കിയ പ്രസ്താവനയില് പറയുന്നു. അദ്ദേഹത്തിന്റെ ജന്മനാടായ ഇംഗ്ലണ്ടിലെ കാംബര്ലിയിലാണ് സ്ഥാപിക്കുക. പ്രതിമ സ്ഥാപിക്കുന്നതിന് കാംബര്ലിയിലെ തമിഴര് സെന്റ് പീറ്റേഴ്സ് ചര്ച്ചില് നിന്ന് അനുമതി നേടിയിട്ടുണ്ടെന്ന് അറിയിപ്പില് വ്യക്തമാക്കുന്നു.
ആരാണ് കേണല് ജോണ് പെന്നിക്യുക്ക്?
ബ്രിഗേഡിയര് ജനറല് ജോണ് പെന്നിക്യൂക്കിന്റെയും ഭാര്യ സാറയുടെയും മകനായി 1841-ല് മഹാരാഷ്ട്രയിലെ പൂനെയിലാണ് ജോണ് പെന്നിക്യുക്ക് ജനിച്ചത്. ഇംഗ്ലണ്ടിലെ ചെല്ട്ടന്ഹാം കോളേജില് നിന്ന് വിദ്യാഭ്യാസം നേടി. ചരിത്രകാരന്മാര് പറയുന്നതനുസരിച്ച്, അദ്ദേഹത്തിന്റെ പിതാവും മൂത്ത സഹോദരനുമായ അലക്സാണ്ടറും ചില്ലിയന്വാല യുദ്ധത്തില് പങ്കെടുത്തു. 1849ലെ യുദ്ധത്തില് ഇരുവരും മരിച്ചു. സറേയിലെ അഡിസ്കോമ്ബിലുള്ള ഈസ്റ്റ് ഇന്ത്യാ കമ്ബനി മിലിട്ടറി കോളേജില് 1857ല് ചേര്ന്നു.
മദ്രാസ് എഞ്ചിനീയര് ഗ്രൂപ്പില് ലെഫ്റ്റനന്റായി 1858ല് പെന്നിക്യുക്ക് കമ്മീഷന് ചെയ്യപ്പെട്ടു. 1960ല് ഇന്ത്യയിലേക്ക് മടങ്ങുകയും ചെയ്തു. രാജ്ഞി 1895ല് അദ്ദേഹത്തെ ഓര്ഡര് ഓഫ് ദി സ്റ്റാര് ഓഫ് ഇന്ത്യയിലേക്ക് നാമനിര്ദ്ദേശം ചെയ്തു. മുല്ലപ്പെരിയാര് അണക്കെട്ടിന്റെ നിര്മ്മാണത്തില് ചീഫ് എഞ്ചിനീയറായി സേവനമനുഷ്ഠിച്ച അദ്ദേഹം 1867-68 ലെ അബിസീനിയന് പര്യവേഷണത്തില് പങ്കെടുത്തതിന് മെഡല് കരസ്ഥമാക്കിയിട്ടുണ്ട്.
