ചെന്നൈ: അന്താരാഷ്ട്ര ചെസ് മേളയ്ക്ക് തമിഴ്നാട് വേദിയാകുമെന്ന് പ്രഖ്യാപിച്ച മുഖ്യമന്ത്രി ഇത്തവണത്തെ ഒളിമ്ബ്യാഡ് സംസ്ഥാനത്തിന്റെ ചരിത്രത്തിലെ നാഴികക്കല്ലായിരിക്കുമെന്ന് അവകാശപ്പെട്ടു.
”44-ാമത് ചെസ് ഒളിമ്ബ്യാഡിന് ആതിഥേയത്വം വഹിക്കാന് തമിഴ്നാടിന് അവസരം ലഭിച്ചു. എല്ലാ തമിഴര്ക്കും ഇത് അഭിമാന നിമിഷമാണ്,” അദ്ദേഹം പറഞ്ഞു. മഹാബലിപുരത്ത് നടക്കുന്ന 44-ാമത് ചെസ് ഒളിമ്ബ്യാഡില് 150 ലധികം രാജ്യങ്ങള് പങ്കെടുക്കുമെന്നും ടൂര്ണമെന്റ് ഇന്ത്യയില് നടന്ന എക്കാലത്തെയും വലിയ കായിക ഇനമായിരിക്കുമെന്നും തമിഴ്നാട് മുഖ്യമന്ത്രി എം കെ സ്റ്റാലിന് പറഞ്ഞു. തമിഴ്നാടിന്റെ ആതിഥ്യ മര്യാദയും സംസ്കാരവും ആഗോളതലത്തില് എത്തിക്കുമെന്ന് സ്റ്റാലിന് അവകാശപ്പെട്ടു, ഈ ചെസ് ഒളിമ്ബ്യാഡ് മികച്ച രീതിയില് നടത്താന് താന് തീരുമാനിച്ചതായും ലോകമെമ്ബാടുമുള്ള എല്ലാ ചെസ് മാന്ത്രികരെയും സ്വാഗതം ചെയ്യുന്നതായും സ്റ്റാലിന് പറഞ്ഞു. കഴിഞ്ഞ മാസം ഉക്രെയ്നെ ആക്രമിച്ചതിന് ശേഷം ഒളിമ്ബ്യാഡ് റഷ്യയില് നിന്ന് മാറ്റി.
