മൂന്നാര്‍ ബൊട്ടാണിക്കല്‍ ഗാര്‍ഡനില്‍ പുഷ്‌പമേള മെയ്‌ ഒന്നുമുതല്‍

തമിഴ്നാട് വാർത്തകളുടെ chennaimalayali.com  അപ്ഡേറ്റുകൾ  ലഭിക്കാൻ ജോയിൻ ചെയ്യുന്നതിനുള്ള ലിങ്കുകൾ                                                                                                                                                             👉 Whatsapp https://chat.whatsapp.com/IC6TYYVgbvoDfTDTHg977i 
👉 Facebook  https://www.facebook.com/chennaimalayalimedia           
👉 Telegram https://t.me/joinchat/-y1PYqx0N5xmYzdl 

മൂന്നാര്‍ : മൂന്നാര്‍ പുഷ്പമേളയ്ക്ക് മെയ് ഒന്നിന് ബൊട്ടാണിക്കല്‍ ഗാര്‍ഡനില്‍ തുടക്കമാവും. 10 വരെയാണ് മേള. ഒന്നിന് പകല്‍ 11.30ന് ടൂറിസം മന്ത്രി പി എ മുഹമ്മദ് റിയാസ് ഉദ്ഘാടനംചെയ്യും. മൂന്നാര്‍ – ദേവികുളം റോഡില്‍ ഡിടിപിസിയുടെ അധീനതയിലുള്ള ഗാര്‍ഡനിലാണ് മേള നടക്കുന്നത്. മൂവായിരത്തിലേറെ റോസാ ചെടികളും രണ്ടായിരത്തിലേറെ ഡാലിയ ചെടികളും വിവിധ വര്‍ണങ്ങളിലുള്ള തുലിപ് പൂക്കള്‍, സൈക്കിള്‍ ന്യൂഡ, പെട്രോ കോമോണ്‍, യൂക്കാ, ഫൈലാന്‍ഡസ്, സില്‍വര്‍, എക്കാ ബില്‍ബം ഇനങ്ങളില്‍പ്പെട്ട മരങ്ങള്‍ എന്നിവ സന്ദര്‍ശകര്‍ക്കായി ഒരുക്കിയിട്ടുണ്ട്.

രാവിലെ ഒമ്ബതുമുതല്‍ രാത്രി 8.30 വരെയാണ് പ്രവേശനം. എല്ലാ ദിവസവും വൈകിട്ട് സ്റ്റേജ് ഷോ, ഗാനമേള, ഡിജെ എന്നിവയുണ്ടാകും. മുതിര്‍ന്നവര്‍ക്ക് 30 രൂപയും കുട്ടികള്‍ക്ക് 20 രൂപയുമാണ് ടിക്കറ്റ് നിരക്ക്. ജില്ലാ പഞ്ചായത്തംഗം അഡ്വ. എം ഭവ്യ, മൂന്നാര്‍ പഞ്ചായത്ത് പ്രസിഡന്റ് പ്രവീണ രവികുമാര്‍, ബ്ലോക്ക് പഞ്ചായത്ത് പ്രസിഡന്റ് ആനന്ദറാണി ദാസ് എന്നിവര്‍ക്ക് ടിക്കറ്റ് നല്‍കി അഡ്വ. എ രാജ എംഎല്‍എ ഉദ്ഘാടനം നിര്‍വഹിച്ചു.