ബെംഗളൂരു : വൻ വിജയം നേടിയ കന്നട സിനിമയുടെ തലവര മാറ്റിയെഴുതിയ കെജിഎഫിന്റെ രണ്ടു ഭാഗങ്ങളിലും അഭിനയിച്ച കന്നഡ സിനിമാ താരം മോഹൻ ജുനേജ അന്തരിച്ചു.
അസുഖങ്ങളെ തുടർന്ന് ഏറെക്കാലമായി ചികിത്സയിലായിരുന്ന അദ്ദേഹം അന്തരിച്ചത് ബെംഗളൂരുവിലെ ആശുപത്രിയിൽ വച്ചായിരുന്നു. കർണാടകയിലെ തുംകുർ സ്വദേശിയായ മോഹൻ ബെംഗളൂരുവിലാണു പഠിച്ചതും സ്ഥിര താമസവും.
കന്നഡയ്ക്കു പുറമെ മലയാളം, തമിഴ്, തെലുങ്ക്, ഹിന്ദി എന്നിങ്ങനെ നൂറിലേറെ ചിത്രങ്ങളിൽ അഭിനയിച്ചിട്ടുണ്ട് കൂടാതെ ടിവി സീരിയലുകളിലും അഭിനയിച്ചിട്ടുണ്ട്. രാജ്യത്താകെ തരംഗമായ കെജിഎഫിലെ വേഷം ശ്രദ്ധേയമായിരുന്നു. സംസ്കാര ചടങ്ങുകൾ ഇന്നു നടക്കും.
