ചെന്നൈ: കാഞ്ചീപുരത്ത് കൂട്ടബലാല്സംഗത്തിന് ഇരയായ ബിബിഎ വിദ്യാര്ത്ഥിനിയുടെ നില ഗുരുതരമായി തുടരുന്നു. ബെംഗളുരുപുതുച്ചേരി ദേശീയപാതയിലെ കാഞ്ചിപുരം ഔട്ടര് റിങ് റോഡിനോടു ചേര്ന്നുള്ള ആളൊഴിഞ്ഞ പ്രദേശത്താണ് കഴിഞ്ഞ ദിവസം വിദ്യാര്ത്ഥിനി അക്രമത്തിന് ഇരയായത്.
ആറംഗ സംഘമാണ് പെണ്കുട്ടിയെ ആക്രമിച്ചത്. സുഹൃത്തുമൊന്നിച്ചു സംസാരിച്ചിരിക്കെ ഇവര് പെണ്കുട്ടിയെ വളയുകയായിരുന്നു. ആണ്കുട്ടിയെ അടിച്ചുവീഴ്ത്തി കെട്ടിയിട്ടതിനു ശേഷമാണ് പെണ്കുട്ടിയെ ഉപദ്രവിച്ചത്. സംഘത്തിന്റെ പിടിയില്നിന്നു രക്ഷപ്പെട്ട ആണ്കുട്ടി വീട്ടുകാരെ വിവരം അറിയിക്കുകയായിരുന്നു. 5 പ്രതികളെ സംഭവം നടന്ന ദിവസം രാത്രിയിലും ഒരാളെ പിറ്റേന്നും പിടികൂടി. പ്രതികളുടെ കയ്യും കാലും ഒടിഞ്ഞ നിലയിലാണ്. കസ്റ്റഡിയിലെടുക്കാനെത്തിയ പൊലീസ് സംഘത്തില്നിന്ന് ഓടിരക്ഷപ്പെടാന് ശ്രമിച്ചപ്പോള് വീണു പരുക്കേറ്റെന്നാണ് പൊലീസ് പറയുന്നത്.
