ചെന്നൈ: കലാക്ഷേത്രയില് മലയാളി അധ്യാപകര് നിരന്തരം ലൈംഗികമായി പീഡിപ്പിക്കുന്നു എന്ന് ചൂണ്ടിക്കാട്ടി വിദ്യാര്ഥികള് സമരത്തില്. വിദ്യാര്ഥികളുടെ സമരത്തെ തുടര്ന്ന് കലാക്ഷേത്ര അടുത്ത മാസം ആറാം തീയതി വരെ അടച്ചു.
കുറ്റാരോപിതരായ അധ്യാപകരെ പുറത്താക്കി നിയമ നടപടി എടുക്കും വരെ സമരം ചെയ്യുമെന്ന നിലപാടാണ് വിദ്യാര്ഥികളുടേത്. ശ്രീനാഥ്, ഹരിപന്, സഞ്ജിത് ലാല്, സായി കൃഷ്ണന് എന്നീ മലയാളി അധ്യാപകര്ക്കെതിരെ നടപടി വേണമെന്നാവശ്യപ്പെട്ടാണ് സമരം.
അക്കാദമി സ്കോര് കുറയ്ക്കും എന്ന് തുടങ്ങി നിരന്തരം ഭീഷണിപ്പെടുത്തുകയും, കലാപരിശീലന സമയത്ത് പോലും ലൈംഗിക ഉപദ്രവം സഹിക്കവയ്യെന്നുമാണ് വിദ്യാര്ഥികള് പരാതി പറയുന്നത്.
