ചെന്നൈ:മദ്യപിച്ച് ലക്കുകെട്ട് ട്രാന്സ്ഫോമറില് കയറി ഹൈടെന്ഷന് കമ്ബിയില് കടിച്ച യുവാവിന് ഗുരുതര പൊള്ളലേറ്റു.ചിന്നമങ്കോട് സ്വദേശി ധര്മ്മദുരൈക്കാണ് (33) പൊള്ളലേറ്റത്. തിരുവള്ളൂര് ജില്ലയിലാണ് സംഭവം. കുടുംബ വഴക്കിനെതുടര്ന്ന് ഭാര്യ സ്വന്തം വീട്ടിലേക്ക് പോയതില് ഇയാള് അസ്വസ്ഥനായിരുന്നെന്ന് പൊലീസ് പറഞ്ഞു.ഭാര്യയെ തിരികെ കൊണ്ടുവരാന് ശ്രമിച്ച് പരാജയപ്പെട്ട ഇയാള്, ഭാര്യാസഹോദരന്മാര്ക്കെതിരെ പരാതി നല്കാന് പലതവണ ആറമ്ബാക്കം പൊലീസിനെ സമീപിച്ചിരുന്നതായും പറയുന്നു.
ബുധനാഴ്ച മദ്യലഹരിയിലാണ് ധര്മ്മദുരൈ പൊലീസ് സ്റ്റേഷനിലെത്തിയതെന്നും കാത്തിരിക്കാന് പറഞ്ഞതോടെ പൊലീസ് സ്റ്റേഷന് വളപ്പില്നിന്ന് പുറത്തിറങ്ങി കെട്ടിടത്തിന് എതിര്വശത്തുള്ള ട്രാന്സ്ഫോമറില് കയറുകയായിരുന്നെന്നും പൊലീസ് പറഞ്ഞു.
ഇതിന്റെ വിഡിയോകള് സമൂഹ മാധ്യമങ്ങളില് വ്യാപകമായി പ്രചരിക്കുന്നുണ്ട്. ആളുകളും പൊലീസും ചെയ്യരുതെന്ന് അഭ്യര്ഥിച്ചിട്ടും ധര്മ്മദുരൈ ഹൈടെന്ഷന് വയര് കടിക്കുകയായിരുന്നു. ഗുരുതര പൊള്ളലേറ്റ ധര്മ്മദുരൈയെ എളവൂര് ആശുപത്രിയിലും തുടര്ന്ന് കില്പ്പോക്ക് സര്ക്കാര് ആശുപത്രിയിലും പ്രവേശിപ്പിച്ചു.
ശസ്ത്രക്രിയ വിജയകരം, നടന് ബാല ആരോഗ്യവാന്
കരള് രോഗത്തെ തുടര്ന്ന് ചികിത്സയിലായിരുന്ന നടന് ബാലയുടെ ശസ്ത്രക്രിയ കഴിഞ്ഞു. ശസ്ത്രക്രിയ വിജയകരമായിരുന്നുവെന്നും ബാല ആരോഗ്യവാനായി തുടരുന്നുവെന്നും അധികൃതര് അറിയിച്ചു.നിലവില് ബാലയെ പോസ്റ്റ് ഓപ്പറേറ്റീവ് ഐസിയുവിലേയ്ക്ക് മാറ്റിയിട്ടുണ്ട്. കരള് ദാതാവും ആരോഗ്യവാനായി ആശുപത്രിയില് തുടരുന്നുണ്ട്. ഒരു മാസത്തോളം ആശുപത്രിയില് കഴിഞ്ഞ ശേഷം ആയിരിക്കും ബാല വീട്ടിലേക്ക് മടങ്ങുക.മാര്ച്ച് ആദ്യവാരമാണ് ബാലയെ ആശുപത്രിയില് പ്രവേശിപ്പിച്ചത്. ആദ്യദിവസങ്ങളില് ഗ്യാസ്ട്രോ എന്ട്രോളജി വിഭാഗത്തില് ആയിരുന്നു.
ഇതിന് ഒരാഴ്ച മുന്പ് കരള്രോഗവുമായി ബന്ധപ്പെട്ട് ബാല ചികിത്സ തേടിയിരുന്നു. ആ സമയത്ത് ആരോഗ്യ സ്ഥിതി മോശം ആയിരുന്നുവെങ്കിലും സ്ഥിതി മെച്ചപ്പെട്ടു. തുടര്ന്ന് കരള്മാറ്റ ശസ്ത്രക്രിയയ്ക്ക് ഡോക്ടര്മാര് നിര്ദ്ദേശിക്കുക ആയിരുന്നു.തന്റെ രണ്ടാം വിവാഹ വാര്ഷിക ദിവസം മേജര് ഒപ്പറേഷന് ഉണ്ടെന്ന് ബാല അറിയിച്ചിരുന്നു. ‘എല്ലാവര്ക്കും നമസ്കാരം. ആശുപത്രിയില് വന്നിച്ച് ഏകദേശം ഒരുമാസം ആയി. എലിസബത്തിന്റെ നിര്ബന്ധപ്രകാരം വന്നതാണ്. എല്ലാവരുടെയും പ്രാര്ത്ഥന കൊണ്ട് വീണ്ടും വരികയാണ്. ഇനി ഒരു രണ്ടു മൂന്നു ദിവസം കഴിഞ്ഞാല് മേജര് ശസ്ത്രക്രിയയുണ്ട്. മരണ സാധ്യതയുണ്ട്.
എന്നാല് രക്ഷപ്പെടാനുള്ള സാധ്യതയാണ് കൂടുതലായി കാണുന്നത്. മുന്നോട്ടുപോകുമെന്ന് വിചാരിക്കുന്നു. നെഗറ്റീവ് ആയി ഒന്നും ചിന്തിക്കുന്നില്ല. എനിക്ക് വേണ്ടി പ്രാര്ത്ഥിച്ച എല്ലാവര്ക്കും നന്ദി പറയുന്നു’, എന്നായിരുന്നു ബാല പറഞ്ഞത്.’അന്പ്’ എന്ന തമിഴ് ചിത്രത്തിലൂടെയാണ് ബാല ബിഗ് സ്ക്രീനില് എത്തുന്നത്.
കളഭം ആണ് ആദ്യ മലയാള ചിത്രം. മമ്മൂട്ടിയോടൊപ്പം ‘ബിഗ് ബി’യിലെ അഭിനയം ശ്രദ്ധിക്കപ്പെട്ടിരുന്നു. തുടര്ന്ന് പുതിയ മുഖം, അലക്സാണ്ടര് ദി ഗ്രേറ്റ്, ഹീറോ, വീരം തുടങ്ങി നിരവധി ചിത്രങ്ങളില് അഭിനയിച്ചു. നടനും സഹനടനായും വില്ലനായും ബാല തിളങ്ങി. ഉണ്ണി മുകുന്ദന് നായകനായി എത്തിയ ‘ഷെഫീക്കിന്റെ സന്തോഷത്തില് ആണ് ബാലയുടേതായി ഏറ്റവും ഒടുവില് റിലീസ് ചെയ്ത സിനിമ. നവാഗതനായ അനൂപ് പന്തളമാണ് ചിത്രം സംവിധാനം ചെയ്തത്.
