ചെന്നൈ: റെയില്വേ കോണ്സ്റ്റബിളിനെയും രണ്ടുമക്കളെയും റെയില്വേ ട്രാക്കില് മരിച്ച നിലയില് കണ്ടെത്തി.
മധുര റെയില്വേ സ്റ്റേഷനില് ജോലിചെയ്യുന്ന ജയലക്ഷ്മി(35)യെയും രണ്ടുമക്കളെയും മധുരയ്ക്ക് സമീപം റെയില്വേ ട്രാക്കിലാണ് വെള്ളിയാഴ്ച രാവിലെ മരിച്ചനിലയില് കണ്ടെത്തിയത്. ജയലക്ഷ്മി ഭര്ത്താവുമായി പിണങ്ങി ഒറ്റയ്ക്കുകഴിയായിരുന്നു.
ജയലക്ഷ്മിയുടെ സുഹൃത്തും ആര്.പി.എഫ്. സേനാംഗവുമായ പാണ്ഡ്യനെ(47) മറ്റൊരിടത്ത് മരിച്ചനിലയിലും കണ്ടെത്തി. ജയലക്ഷ്മിയും സുഹൃത്തും ബന്ധത്തിലായിരുന്നവെന്ന് പൊലീസ് പറഞ്ഞു. ഇരുവരുടെയും ഒരുമിച്ചുള്ള യാത്രയും ജോലിക്ക് കൃത്യമായി ഹാജരാകാത്തതും ഉന്നതോദ്യോഗസ്ഥര് ചോദ്യംചെയ്തിരുന്നു.
ഇവരുടെ ബന്ധത്തെ തുടര്ന്നു തിരുച്ചിറപ്പള്ളി റെയില്വേ സ്റ്റേഷനിലേക്കും പാണ്ഡ്യനെ തിരുനെല്വേലിയിലേക്കും രണ്ടുദിവസംമുമ്ബ് സ്ഥലംമാറ്റി. മനംനൊന്താണ് രണ്ടുപേരും രണ്ടുസ്ഥലങ്ങളിലായി ജീവനൊടുക്കിയതെന്നാണ് റെയില്വേ പൊലീസിന്റെ പ്രാഥമിക നിഗമനം.
