തമിഴ്നാട്ടില് ഗവര്ണറുടെ ഔദ്യോഗിക വസതിയായ രാജ്ഭവനിലേക്ക് പെട്രോള് ബോംബെറിഞ്ഞു. രാജ്ഭവന്റെ പ്രധാന ഗേറ്റിലേക്കാണ് പെട്രോള് ബോംബ് എറിഞ്ഞത്. സംഭവത്തില് ഒരാളെ പൊലീസ് അറസ്റ്റ് ചെയ്തു.
കറുക്ക വിനോദ് എന്നയാളാണ് അറസ്റ്റിലായത്. സൈദാപേട്ട് കോടതി പരിസരത്ത് നിര്ത്തിയിട്ടിരുന്ന മോട്ടോര് സൈക്കിളില് നിന്ന് പെട്രോള് മോഷ്ടിച്ച വിനോദ് രണ്ട് കുപ്പികളിലേക്ക് പെട്രോള് ഒഴിച്ച് തീകൊളുത്തി രാജ്ഭവനിലെ പ്രധാന ഗേറ്റിലേക്ക് എറിയുകയായിരുന്നുവെന്ന് പോലീസ് പറഞ്ഞു.
പ്രതി തമിഴ്നാട് ഗവര്ണര് ആര്എന് രവിക്കെതിരെ മുദ്രാവാക്യം വിളിച്ചു. നീറ്റ് വിരുദ്ധ ബില്ലില് ഒപ്പിടാത്തത്തിലുള്ള പ്രതിഷേധമാണ് തന്റെ ആക്രമണത്തിന് കാരണമെന്നാണ് വിനോദ് പൊലീസിനോട് പറഞ്ഞത്. രണ്ട് പെട്രോള് ബോംബുകള് കൂടി എറിയുന്നതിന് മുമ്ബ് പ്രധാന ഗേറ്റിലുണ്ടായ പോലീസ് സംഘം ഇയാളെ തടഞ്ഞുവച്ചു.
