ന്യൂഡല്ഹി: കഴിഞ്ഞ 44 ദിവസങ്ങള്ക്കിടെ പ്രതിദിന കൊവിഡ് രോഗികളുടെ എണ്ണം രണ്ട് ലക്ഷത്തില് താഴെ രേഖപ്പെടുത്തിയ ദിവസമാണിന്ന്. 24 മണിക്കൂറിനിടെ രോഗം സ്ഥിരീകരിച്ചത് 1.86 ലക്ഷം പേര്ക്കാണ്. ഇതോടെ രാജ്യത്തെ ആകെ രോഗം സ്ഥിരീകരിച്ചവരുടെ എണ്ണം 2.75 കോടിയായി. 3660 പേരാണ് 24 മണിക്കൂറിനിടെ മരണമടഞ്ഞത്. ഇതോടെ ആകെ മരണമടഞ്ഞവര് 3,18,895 ആയി.
2,59,459 പേര് 24 മണിക്കൂറിനിടെ രോഗമുക്കി നേടിയതായി കേന്ദ്ര ആരോഗ്യമന്ത്രാലയം അറിയിച്ചു. ഇതോടെ രോഗമുക്തി നിരക്ക് 90.34 ശതമാനമായി. 2,48,93,410 പേര് രാജ്യത്ത് ഇതുവരെ രോഗമുക്തി നേടി. പ്രതിദിന കേസ് പോസിറ്റിവിറ്റി നിരത്തും ഏറെ നാളിന് ശേഷം 10 ശതമാനത്തിന് താഴെയെത്തി. 9 ശതമാനമാണ് ഇന്ന്.
ഇന്ന് രോഗം സ്ഥിരീകരിച്ചതില് 63.94 ശതമാനവും അഞ്ച് സംസ്ഥാനങ്ങളില് നിന്നാണ്. ഇതില് തമിഴ്നാട്ടിലാണ് ഇന്നലത്തേതുപോലെ ഇന്നും രോഗികള് കൂടുതല്. 17.9 ശതമാനം രോഗികളും ഇവിടെനിന്നാണ്.
33,361 പുതിയ കേസുകളാണ് തമിഴ്നാട്ടിലുളളത്. രണ്ടാമതുളള കര്ണാടകയില് 24,214 കേസുകള്. മൂന്നാമതുളള കേരളവുമായി ചെറിയ വ്യത്യാസമാണ് കര്ണാടകയ്ക്ക്. കേരളത്തില് 24,166 കേസുകളാണ് ഇന്നലെ സ്ഥിരീകരിച്ചത്. മഹാരാഷ്ട്ര 21,273, ആന്ധ്ര 16,167. ഇതുവരെ രാജ്യത്ത് നടത്തിയ പരിശോധനകള് 34 കോടിയുടെ അടുത്താണ്. ഇന്നലെ മാത്രം 20,70,508 സാമ്ബിളുകള് പരിശോധിച്ചു.
