ഡല്ഹി: തമിഴ്നാട് മുഖ്യമന്ത്രി സ്റ്റാലിന് ദീപാവലി ആശംസയറിക്കാതെ പുതിയ തൊട്ടുകൂടായ്മക്ക് തുടക്കം കുറിച്ചിരിക്കുകയാണെന്ന് കേന്ദ്രമന്ത്രി എല് മുരുകന്. ഹിന്ദുക്കളുടെ ഉത്സവമായ ദീപാവലിക്ക് അദ്ദേഹം ആശംസയറിയിച്ചിട്ടില്ലെന്നും ഇതിന് അദ്ദേഹം തമിഴ്നാട്ടിലെ ജനങ്ങളോട് മാപ്പ് പറയണമെന്നും കേന്ദ്രമന്ത്രി ആവശ്യപ്പെട്ടു. അഹിന്ദുക്കളുടെ ഉത്സവങ്ങള്ക്ക് സ്റ്റാലിന് ആശംസ അറിയിക്കാറുണ്ടെന്നും എന്നാല്, ഹിന്ദുക്കളുടെ ആഘോഷങ്ങളെ മനപ്പൂര്വം ഒഴിവാക്കുകയാണെന്നും എല് മുരുകന് കുറ്റപ്പെടുത്തി.
അതേസമയം, സ്റ്റാലിന് ദീപാവലി ആശംസകള് അറിയിക്കാത്തതുമായി ബന്ധപ്പെട്ട് നിരവധി പേരാണ് സാമൂഹിക മാധ്യമങ്ങളില് പ്രതികരണവുമായി എത്തിയത്. അമേരിക്കന് പ്രസിഡന്റ് ജോ ബൈഡനും പാക്കിസ്ഥാന് പ്രധാനമന്ത്രി ഇമ്രാന് ഖാനും വരെ ദീപാവലി ആശംസയറിയിച്ചിട്ടും സ്റ്റാലിന് ദീപാവലി ആശംസകള് അറിയിച്ചില്ലെന്ന് വിമര്ശകര് ചൂണ്ടിക്കാണിക്കുന്നു. സ്റ്റാലിന് സര്ക്കാര് എല്ലാവരേയും ഒരേപോലെ ഉള്ക്കൊള്ളുന്നില്ലെന്നതിന്റെ തെളിവാണ് അദ്ദേഹം ദീപാവലി ആശംസകള് അറിയിക്കാത്തത് എന്നാണ് പ്രധാന വിമര്ശനം.
