ചെന്നൈ: തമിഴ്നാട്ടില് വന് ഭൂരിപക്ഷത്തില് അധികാരത്തിലെത്തിയ ഡിഎംകെ അധ്യക്ഷന് എംകെ സ്റ്റാലിന് മുഖ്യമന്ത്രിയായി സത്യപ്രതിജ്ഞ ചെയ്ത ഉടനെ ഉദ്യോഗസ്ഥ തലത്തില് മാറ്റം വരുത്തി. നാല് സെക്രട്ടറിമാറെ നിയോഗിച്ചു. കൂടാതെ ചീഫ് സെക്രട്ടറി രാജീവ് രഞ്ജനെ മാറ്റി വി ഇറൈ അന്ബുവിനെ നിയമിക്കുകയും ചെയ്തു. നാല് സെക്രട്ടറിമാരില് ഒരാളാണ് മലയാളിയായ അനു ജോര്ജ് ഐഎഎസ്. കോട്ടയം സ്വദേശിയായ ഇവര് തമിഴ്നാട് കേഡറിലാണ് ഔദ്യോഗിക ജീവിതം തുടങ്ങിയത്. മുഖ്യമന്ത്രിയുടെ ഓഫീസ് സെക്രട്ടറിയായിട്ടാണ് അനു ജോര്ജിന്റെ നിയമനം. പ്രവര്ത്തന മികവിന് പേരു കേട്ട ഈ ഉദ്യോഗസ്ഥ ആറന്മുറ നിയുക്ത എംഎല്എ വീണ ജോര്ജിന്റെ സഹപാഠിയാണ്.
കോവിഡിനെതിരായ പോരാട്ടത്തില് തമിഴ്നാട് സര്ക്കാരിന് സഹായവുമായി ചെന്നൈ സൂപ്പര് കിംഗ്സ്
തിരുപ്പത്തൂര്, കടലൂല് ജില്ലകളില് അസിസ്റ്റന്റ് കളക്ടറായിരുന്ന അനു ജോര്ജ് അരിയല്ലൂര് ജില്ലാ കളക്ടറായി സേവനം അനുഷ്ടിച്ചിട്ടുണ്ട്. സംസ്ഥാന പ്രോട്ടോകോള് ജോയന്റ് സെക്രട്ടറിയായും പ്രവര്ത്തിച്ചു. ഇന്സ്ട്രീസ് കമ്മീഷണര്, ഇന്റസ്ട്രീസ് ആന്റ് കൊമേഴ്സ് ഡയറക്ടര് എന്നീ പദവികള് വഹിച്ചുവരവെയാണ് തമിഴ്നാട്ടില് അധികാരമാറ്റമുണ്ടായതും പുതിയ നിയമനം ലഭിച്ചതും.
കല്പ്പാക്കം ആറ്റോമിക് റിസര്ച്ച് സെന്ററില് 337 ഒഴിവ്
- കേരളത്തിലെ രാഷ്ട്രീയ കോളിളക്കത്തിനിടെ ശബരിമലയുടെ ചില തരംഗങ്ങള് തമിഴ്നാട്ടില് എത്തിയപ്പോള്; ശബരിമലയുമായി അഭേദ്യമായ ബന്ധമുള്ള തമിഴ്നാട്ടിലെ പുതിയ ധനമന്ത്രി, അതു തലമുറകളായിയുള്ള ബന്ധം; അയ്യപ്പവിഗ്രഹം സംഭാവന ചെയ്ത കുടുംബം
- തമിഴ്നാട്ടില് മെയ് പത്തു മുതല് രണ്ടാഴ്ചത്തേക്ക് സമ്ബൂര്ണ്ണ ലോക്ഡൗണ്; കടകളും ഉച്ചയ്ക്ക് 12 മണിക്ക് അടയ്ക്കണം; കര്ശന നിയന്ത്രണങ്ങളുമായി കോവിഡിനെ പ്രതിരോധിക്കാന് തമിഴ്നാടും
