ചെന്നൈ: ഗണ്മാനെ ലഭിക്കാന് നടത്തിയ സംഘപരിവാര് നേതാവ് നടത്തിയ നീക്കങ്ങള്ക്ക് കയ്യും കണക്കുമില്ല. എല്ലാം പൊളിഞ്ഞതോടെ സുരക്ഷാ ഭീഷണിയുണ്ടെന്നു കാണിക്കാന് സ്വന്തം വീടിനു ബോംബെറിഞ്ഞു.ഒടുവില്, നേതാവ് അറസ്റ്റിലായി. തമിഴ്നാട്ടിലെ തീവ്രഹിന്ദു സംഘടനയായ ഹിന്ദുമുന്നണിയുടെ കുംഭകോണം ടൗണ് പ്രസിഡന്റ് ചക്രപാണിയാണ് ജാമ്യമില്ലാ വകുപ്പുകള് പ്രകാരം അറസ്റ്റിലായത്. പെട്രോള് ബോംബുണ്ടാക്കി വീടിനു നേരെ എറിഞ്ഞശേഷം പൊലീസില് വിവരം അറിയിക്കുകയായിരുന്നു.
കഴിഞ്ഞ ദിവസം പുലര്ച്ചെ ആയിരുന്നു സംഭവം. ബിജെപി നേതാക്കള് വീടു സന്ദര്ശിച്ച് കടുത്ത നടപടി ആവശ്യപ്പെട്ടു. സംഭവത്തിന്റെ ഗൗരവം ബോധ്യപ്പെട്ടതോടെ കുംഭകോണം എസ്.പി ഉള്പ്പെടെയുള്ള വീട്ടിലെത്തി അന്വേഷണം നടത്തി.മൊഴികളിലെ വൈരുധ്യം ശ്രദ്ധിച്ച എസ്.പി. വിശദമായി ചോദ്യം ചെയ്തപ്പോഴാണ് ബോംബ് സ്വയം എറിഞ്ഞതാണന്ന് തെളിച്ചത്. കുറ്റം ഇയാള് സമ്മതിക്കുകയായിരുന്നുവെന്ന് പൊലീസ് അറിയിച്ചു.
സുരക്ഷാ ഭീഷണിയുണ്ടെന്നു കാണിക്കാനായിരുന്നു ശ്രമമെന്നും മൊഴിയിലുണ്ട്. തുടര്ന്നു പ്രദേശത്തെ വില്ലേജ് ഓഫിസറില് നിന്നു പരാതി എഴുതി വാങ്ങിയ പൊലീസ് കലാപശ്രമം, സാമുദായിക സംഘര്ഷമുണ്ടാക്കല് തുടങ്ങിയ വകുപ്പുകള് ചുമത്തി അറസ്റ്റു ചെയ്തു. ഇതോടെയാണ് ഗണ്മാനെ ലഭിക്കാന് വേണ്ടി നടത്തിയ നാടകമാണെന്ന് വ്യക്തമായത്.
