ചെന്നൈ: ഇലക്​ട്രിക്​ സ്കൂട്ടര്‍ ബാറ്ററി പൊട്ടിത്തെറിച്ച്‌​ തീപിടിച്ച്‌ അച്ഛനും മകളും മരിച്ചു

തമിഴ്നാട് വാർത്തകളുടെ chennaimalayali.com  അപ്ഡേറ്റുകൾ  ലഭിക്കാൻ ജോയിൻ ചെയ്യുന്നതിനുള്ള ലിങ്കുകൾ                                                                                                                                                             👉 Whatsapp https://chat.whatsapp.com/Gg37vEklwCmIaNa6Loo7fW
👉 Facebook  https://www.facebook.com/chennaimalayalimedia           
👉 Telegram https://t.me/joinchat/-y1PYqx0N5xmYzdl 

ചെന്നൈ: ഇലക്​ട്രിക്​ സ്കൂട്ടറിലെ ബാറ്ററി പൊട്ടിത്തെറിച്ച്‌ വീടിന് തീപിടിച്ച്‌ അച്ഛനും മകളും ദാരുണമായി മരിച്ചു. സ്റ്റുഡിയോ ഉടമ വെല്ലൂര്‍ ചിന്ന അല്ലാപുരം ബലരാമന്‍ മുതലിയാര്‍ തെരുവില്‍ ദുരൈവര്‍മ(49), മകള്‍ മോഹനപ്രീതി (13) എന്നിവരാണ്​ മരിച്ചത്​.

വീട്ടുവരാന്തയില്‍ തന്‍റെ പുതിയ ഇ-സ്കൂട്ടര്‍ ചാര്‍ജ് ചെയ്യാന്‍ വെച്ച്‌ കിടന്നുറങ്ങിയതായിരുന്നു ദുരൈവര്‍മയും മകളും. ജനലുകളില്ലാത്ത ആസ്​ബറ്റോസ്​ മേല്‍ക്കുരയോടുകൂടിയ ചെറിയ രണ്ട്​ മുറി വീടാണ് ഇവരുടേത്. ശനിയാഴ്ച പുലര്‍ച്ച രണ്ടരയോടെ സ്കൂട്ടറിന്‍റെ ബാറ്ററി പൊട്ടിത്തെറിച്ച്‌​ അഗ്​നിബാധയുണ്ടാവുകയായിരുന്നു.

തൊട്ടടുത്ത്​ നിര്‍ത്തിയ മറ്റൊരു ബൈക്കിനും വീടിനും തീപിടിച്ചു. ആളിപ്പടരുന്ന തീയും കരിമ്ബുകയും കാരണം ദുരൈവര്‍മയും മോഹനപ്രീതിയും പുറത്തുവരാനാവാതെ മുറിക്കുള്ളില്‍നിന്ന്​ കുടുങ്ങി. സമീപവാസികള്‍ രക്ഷാപ്രവര്‍ത്തനത്തിനിറങ്ങിയെങ്കിലും ഫലമുണ്ടായില്ല. ശ്വാസംമുട്ടിയാണ് ഇരുവരും മരിച്ചത്.

ഷോര്‍ട്ട്​സര്‍ക്യൂട്ടാവാം അപകടകാരണമെന്ന്​ കരുതുന്നു. പഴയ സോക്കറ്റിലാണ്​ ഇ- സ്കൂട്ടറിന്‍റെ ചാര്‍ജ്​ പ്ലഗ്​ ചെയ്തിരുന്നത്​. വര്‍ഷങ്ങള്‍ക്ക്​ മുന്‍പെ ദു​രൈവര്‍മയുടെ ഭാര്യ മരണപ്പെട്ടിരുന്നു. 10 വയസുള്ള മകന്‍ അവിനാഷ്​ തൊട്ടടുത്ത ബന്ധു വീട്ടില്‍ വിരുന്നുപോയിരുന്നു.