തമിഴ്നാട് വാർത്തകളുടെ chennaimalayali.com അപ്ഡേറ്റുകൾ ലഭിക്കാൻ ജോയിൻ ചെയ്യുന്നതിനുള്ള ലിങ്കുകൾ 👉 Whatsapp https://chat.whatsapp.com/Gg37vEklwCmIaNa6Loo7fW
👉 Facebook https://www.facebook.com/chennaimalayalimedia
👉 Telegram https://t.me/joinchat/-y1PYqx0N5xmYzdl
ചെന്നൈ: മറീനയിലെ ലൈറ്റ് ഹൗസ് ബോംബുവച്ചു തകർക്കു മെന്ന തരത്തിൽ സമൂഹമാധ്യത്തിൽ പോസ്റ്റ് പ്രത്യക്ഷപ്പെട്ടതിനെ തുടർന്നു മേഖലയിൽ കനത്ത സുരക്ഷ ഏർപ്പെടുത്തി. ലൈറ്റ് ഹൗസിലേക്കുള്ള സന്ദർശനം താൽക്കാലികമായി നിർത്തി. ശനിയാഴ്ച രാത്രി കേന്ദ്ര ഷിപ്പിങ് മന്ത്രാലയമാണ് ഇൻസ്റ്റഗ്രാമിലെ ഒരു അക്കൗണ്ടിൽ പ്രത്യക്ഷപ്പെട്ട പോസ്റ്റിനെകുറിച്ചു തമിഴ്നാട് സുരക്ഷാ ഏജൻസികൾക്കു വിവരം കൈമാറിയത്.
ഇതോടെ ബോംബ് സ്ക്വാഡിന്റെ നേതൃത്വത്തിൽ പ്രദേശത്തു തിരച്ചിൽ നടത്തി. 10 പൊലീസുകാർ അടങ്ങിയ സംഘത്തെ സുരക്ഷാ ചുമ തലയേൽപിച്ചു. മനുഷ്യരൂപത്തിലുള്ള പാവ പൊട്ടിത്തെറിച്ച് ലൈറ്റ് ഹൗസ് തകർക്കുന്ന തരത്തിലുള്ള പോസ്റ്റാണ് ഇൻസ്റ്റഗ്രാമിലുള്ളത്. എന്നാൽ അക്കൗണ്ട് ഉടമ ആരെന്നതു സംബന്ധിച്ച് കൃത്യമായ വിവരം കണ്ടെത്താനായില്ല. അക്കൗണ്ട് ഇപ്പോഴും സജീ വമായതിനാൽ, പോസ്റ്റിന് പിന്നിലുള്ള വ്യക്തി ആരാണെന്ന് കണ്ടെത്താനുള്ള ശ്രമത്തിലാണു സൈബർ ക്രൈം ചൊലീസ്. ക്യൂ ബ്രാഞ്ച് പൊലീസും പോസ്റ്റിനെ കുറിച്ച് അന്വേഷിക്കുന്നുണ്ട്.
