ചെന്നൈ • ചൈനയിൽ നിന്നെത്തിയ 2 പേർ മധുര വിമാനത്താവളത്തിൽ നടത്തിയ പരിശോധനയിൽ കോവിഡ് പോസിറ്റീവായി. അമ്മയും മകളുമാണു പോസിറ്റീ വായത്. ചൈനയിൽ നിന്നു കൊളംബോ വഴിയാണ് ഇവർ മധുരയിൽ എത്തിയത്.
പുതിയ വകഭേദമാണോയെന്നു തിരിച്ചറിഞ്ഞിട്ടില്ലെന്നും വിശദ പരിശോധനയ്ക്കായി സാംപിളുകൾ ജനിതക ശ്രേണീകരണത്തിനു വിധേയമാക്കുമെന്നും ആരോഗ്യ വകുപ്പ് അറിയിച്ചു. ലക്ഷണങ്ങൾ ഇല്ലാത്തതിനാൽ ഇവരെ വീട്ടിൽ നിരീക്ഷണത്തിലാക്കി.
