തേനി: മുല്ലപ്പെരിയാര് വിഷയത്തില്‍ കേരളത്തിന് അനുകൂല നിലപാടാണ് മുഖ്യമന്ത്രി സ്റ്റാലിന്‍ സ്വീകരിക്കുന്നതെന്ന് അണ്ണാ ഡി.എം.കെ ആരോപിക്കുന്നു.തമിഴ്നാട്ടിലെ മുഖ്യപ്രതിപക്ഷമായ അണ്ണാ ഡി.എം.കെ ഈ വിഷയത്തില്‍ പ്രതിഷേധവുമായി രംഗത്തെത്തി. കേരളത്തിന്റെ ആവശ്യപ്രകാരം കൂടുതല് വെള്ളം ഒഴിക്കിവിടുന്നതിനെതിരേ മുഖ്യമന്ത്രി സ്റ്റാലിനെ ക്രൂശിക്കാനൊരുങ്ങുകയാണ് അണ്ണാ ഡി.എം.കെയും മുന്‍ മുഖ്യമന്ത്രി ഒ പനീര്‍ ശെല്‍വവും.
കേരളത്തിന് മുന്നില്‍ തമിഴ്നാടിന്‍റെ അധികാരം അടിയറ വയ്ക്കുകയാണെന്നും തമിഴ്നാട്ടിലെ കര്ഷകരെ മുഖ്യമന്ത്രി സ്റ്റാലിന്‍ മറക്കരുതെന്നും ഒ പനീര്‍ ശെല്‍വം വിമര്ശിച്ചു.തേനി, മധുര, ശിവഗംഗ, ദിണ്ടിഗല്, രാമനാഥപുരം ജില്ലകളിലാണ് പ്രതിഷേധം ശക്തമായിരിക്കുന്നത്. മുല്ലപ്പെരിയാറില്‍ ജലനിരപ്പ് 142 അടി എത്തും മുന്പ് ജലം ഒഴുക്കിവിട്ടത് എന്തിനെന്നാണ് ഒ. പനീര്‍ ശെല്‍വം ചോദിക്കുന്നു. പനീര്‍ ശെല്‍വത്തിന് സ്വാധീനമുള്ള മേഖലകളാണ് ഇത്.
