ചെന്നൈ: തമിഴ്നാട്ടില് റെയില്പ്പാത അറ്റകുറ്റപ്പണി നടക്കുന്നതിനാല് കേരളത്തിലേക്കുള്ള തീവണ്ടികള് വൈകും.ചെന്നൈ, മധുര, തിരുച്ചിറപ്പള്ളി റെയില്വേ ഡിവിഷനുകളിലാണ് പണി നടക്കുന്നത്.
മൂന്നു ദിവസത്തേക്ക് തമിഴ്നാട്, വടക്കേ ഇന്ത്യ എന്നിവിടങ്ങളില് നിന്നു വരുന്ന വണ്ടികള് വൈകിയോടാന് സാധ്യത.എഗ്മോറിനും നാഗര്കോവിലിനുമിടയിലും തിരുച്ചിറപ്പള്ളിയില് നിന്ന് നാഗര്കോവില്, രാമേശ്വരം റൂട്ടുകളിലുമായി 15 തീവണ്ടികളും ഭാഗികമായി തിങ്കളാഴ്ചമുതല് മൂന്നു ദിവസത്തേക്ക് റദ്ദാക്കി.
നിലവില് മാറ്റമുളള ട്രെയിനുകള്
*ചെന്നൈ സെന്ട്രല്-മംഗളൂരു വെസ്റ്റ്കോസ്റ്റ് എക്സ്പ്രസ് (22637): ചെന്നൈ സെന്ട്രലില്നിന്ന് ചൊവ്വാഴ്ച ഉച്ചയ്ക്ക് 1.15-ന് പുറപ്പെടേണ്ട ട്രെയിന് 1.45-ന് പുറപ്പെടും.
*കാട്പാടി-ജോലാര്പ്പേട്ട മെമു സര്വീസുകള് റദ്ദാക്കി. ഈ റൂട്ടിലോടുന്ന പല തീവണ്ടികളും ചൊവ്വാഴ്ച വൈകാന് സാധ്യതയുണ്ടെന്ന് ദക്ഷിണ റെയില്വേ അറിയിച്ചു.
*പതിരുച്ചെന്തൂര് എക്സ്പ്രസ്: പാലക്കാട്ടുനിന്ന് രാവിലെ 5.30-ന് പുറപ്പെടുന്ന ട്രെയിന് തിങ്കള്, ബുധന് ദിവസങ്ങളില് വിരുദുനഗറിനും തിരുച്ചെന്തൂരിനുമിടയില് സര്വീസ് നടത്തില്ല.
*ഇന്റര്സിറ്റി എക്സ്പ്രസ് (22627): തിരുച്ചിറപ്പള്ളിയില്നിന്ന് തിരുവനന്തപുരത്തേക്ക് ബുധനാഴ്ച രാവിലെ 7.20-ന് പുറപ്പെടേണ്ട തിരുച്ചിറപ്പള്ളി- തിരുവനന്തപുരം സൂപ്പര്ഫാസ്റ്റ് ഇന്റര്സിറ്റി എക്സ്പ്രസ് റദ്ദാക്കി.
