ചെന്നൈ: തോക്ക് കാണിച്ച്‌ ഭീഷണിപ്പെടുത്തി വിദ്യാര്‍ഥിനിയെ ബലാത്സംഗം ചെയ്ത എസ്.െഎ അറസ്റ്റില്‍. സഹായികളായി വര്‍ത്തിച്ച അമ്മയും വല്യമ്മയും പിടിയിലായിട്ടുണ്ട്. ചെന്നൈ കാശിമേട് പൊലീസ് സ്റ്റേഷനിലെ സബ് ഇന്സ്പെക്ടര് സതീഷ്കുമാറാണ് (38) പ്രതി.
ഇയാള്‍ക്ക് രേവതിയെന്ന 35കാരിയുമായി അവിഹിതബന്ധമുണ്ടായിരുന്നു. പത്താം ക്ലാസില്‍ പഠിക്കുന്ന യുവതിയുടെ മകള്‍ക്ക് വിലപിടിപ്പുള്ള സമ്മാനങ്ങള്‍ വാങ്ങിക്കൊടുത്ത് വശത്താക്കാനും ശ്രമിച്ചിരുന്നു. ഈ പെണ്‍കുട്ടിയെയാണ് തെന്റ സര്‍വിസ് തോക്ക് കാണിച്ച്‌ ഭീഷണിപ്പെടുത്തി എസ്.െഎ പീഡിപ്പിച്ചത്. ഇതിന് രേവതിയും ഇവരുടെ മൂത്ത സഹോദരി നിലവഴകിയും സഹായികളായി വര്‍ത്തിച്ചു. തുടര്‍ന്നാണ് പെണ്‍കുട്ടി മാതവരം മഹിള പൊലീസ് സ്റ്റേഷനില് പരാതി നല്‍കിയത്. അറസ്റ്റിലായ സതീഷ്കുമാറിനെ പൊന്നേരി സബ്ജയിലിലടച്ചു. രേവതി, നിലവഴകി എന്നിവരെയും അറസ്റ്റ് ചെയ്തു.
