ചെന്നൈ : ഓണ്ലൈന് ചൂതാട്ടത്തില് പണം നഷ്ടപ്പെട്ടതിന്റെ മനോവിഷമത്തില് വിദ്യാര്ത്ഥി തീവണ്ടിയുടെ മുന്നില് ചാടി ആത്മഹത്യ ചെയ്തു.തിരുച്ചിറപ്പള്ളി മണപ്പാറ മലയാണ്ടിപ്പട്ടി സ്വദേശി രവികുമാറിന്റെ മകന് സന്തോഷ് എന്ന 23-കാരനാണ് ജീവനൊടുക്കിയത്. എളുപ്പത്തില് പണം ഉണ്ടാക്കാനാണ് സന്തോഷ് ഓണ്ലൈന് ചൂതാട്ടം ആരംഭിച്ചത്. എന്നാല് നിരന്തരം കളിച്ചതിനെ തുടര്ന്ന് ഇതിന് അടിമയാവുകയും, തുടര്ന്ന് ധാരാളം പണം ഇതിനായി നഷ്ടപ്പെടുത്തുകയും ചെയ്തു. വീട്ടില് നിന്ന് പണം കിട്ടാതെ വന്നപ്പോള് സ്വര്ണമാലയും മോതിരവും വെച്ച് വരെ ചൂതാട്ടം നടത്തി. എന്നാല് ആഭരണങ്ങള് വിറ്റ വിവരം വീട്ടിലറിഞ്ഞതോടെ സന്തോഷ് വീടുവിട്ട് ഇറങ്ങുകയായിരുന്നു. റെയില്വേ സ്റ്റേഷനടുത്തുള്ള നാലങ്ങാടിയില് വെച്ചാണ് തീവണ്ടിക്ക് മുന്നില് ചാടി ജീവനൊടുക്കിയത്. മൃതദേഹം പോസ്റ്റ് മോര്ട്ടത്തിനായി ആശുപത്രിയിലേക്ക് മാറ്റി.
ഓണ്ലൈന് ചൂതാട്ടത്തില് പണം നഷ്ടപ്പെട്ടു; വീടുവിട്ടിറങ്ങിയ വിദ്യാര്ത്ഥി തീവണ്ടിക്ക് മുന്നില് ചാടി ആത്മഹത്യ ചെയ്തു
