ചെന്നൈ: തമിഴ്നാട്ടിലെ ക്ഷേത്രത്തില് ഉത്സവത്തിനിടെ ക്രെയിന് തകര്ന്നുവീണ് മൂന്നു പേര് മരിച്ചു. കെ.മുത്തുകുമാര് (39), എസ്.ഭൂപാലന് (40), ബി.ജോതിബാബു (17) എന്നിവരാണ് മരിച്ചത്. ഞായറാഴ്ച രാത്രി 8.15 നാണ് സംഭവം.
കല്വീതി ഗ്രാമത്തില് ദ്രൗപദി അമ്മന് ക്ഷേത്രത്തിലെ ഉത്സവത്തിന്റെ ഭാഗമായി ക്ഷേത്ര പ്രതിഷ്ഠയെ ക്രെയിനിനുമുകളില് കയറ്റി ഗ്രാമത്തിലൂടെ എഴുന്നള്ളിക്കുന്ന ചടങ്ങിനിടെയാണ് അപകടം. അപകടത്തില് എട്ടുപേര്ക്ക് ഗുരുതരമായി പരുക്കേറ്റു. പരുക്കേറ്റവരെ ഉടന് തന്നെ അരക്കോണം താലൂക്ക് ആശുപത്രിയിലും പൊന്നായിയിലെ പ്രാഥമികാരോഗ്യകേന്ദ്രത്തിലും പ്രവേശിപ്പിച്ചു. ഇവരുടെ നില ഗുരുതരമെന്നാണ് വിവരം.
നൂറുകണക്കിന് ആളുകള് ഒത്തുകൂടിയ പരിപാടിക്കിടെയാണ് ക്രെയിന് മറിഞ്ഞുവീണത്. സംഭവത്തില് പൊലീസ് അന്വേഷണം ആരംഭിച്ചു.
