തമിഴ്നാട്ടില് ശക്തമായ മഴയ്ക്ക് സാധ്യത. ഇന്ന് 7 ജില്ലകളില്‍ യെല്ലോ അലേര്‍ട്ട് പ്രഖ്യാപിച്ചു. അടുത്ത 2 ദിവസം ഇടിമിന്നലോട് കൂടിയ മഴയ്ക്ക് സാധ്യത. 1996 ന് ശേഷം ജൂണില്‍ ഇത്രയും വലിയ മഴ ഇതാദ്യമാണ്.
തമിഴ് നാട്ടില്‍ 6 ജില്ലകളിലെ സ്കൂളുകള്ക്ക് ഇന്നും അവധി പ്രഖ്യാപിച്ചു. ചെന്നൈ, ചെങ്കല്‍പെട്ട്, കാഞ്ചിപുറം, തിരുവലൂര്‍, റാന്നിപെട്ട്, വെലൂര്‍ ജില്ലകളിലെ സ്‌കൂളുകള്‍ക്കാണ് അവധി പ്രഖ്യാപിച്ചത്.
ശക്തമായ മ‍ഴയില്‍ ചെന്നൈയില്‍ മീനംബാക്കം, പുറസൈവാക്കം, വേലച്ചേരി, കോയംപേട് അടക്കമുള്ള സ്ഥലങ്ങളിലെ താഴ്ന്നപ്രദേശങ്ങളില്‍ വെള്ളം കയറി.ചെന്നൈ, ചെങ്കല്‍പ്പട്ട്, തിരുവള്ളൂര്‍ , കാഞ്ചിപുരം, റാണിപ്പേട്ട്, വേലൂര്‍ ജില്ലകളിലാണ് ശക്തമായ മഴ പെയ്യുന്നത്.
