ചെന്നൈ| ജയിലില് കഴിയുന്ന തമിഴ്നാട് മന്ത്രി വി സെന്തില് ബാലാജിയുടെ ബന്ധുക്കളുടെയും സുഹൃത്തുക്കളുടെയും വീടുകളില് ആദായ നികുതി വകുപ്പ് റെയ്ഡ്. കരൂരില് 10 സ്ഥലങ്ങളിലായാണ് ഉദ്യോഗസ്ഥര് റെയ്ഡ് നടത്തിയത്. പരിശോധനയില് സുപ്രധാന രേഖകള് പിടിച്ചെടുത്തതായാണ് വിവരം.
സെന്തില് ബാലാജിയുടെയും സഹോദരന്റെയും വീടുകളിലും ഓഫീസുകളിലും ആദായനികുതി വകുപ്പ് വീണ്ടും പരിശോധന നടത്തി. ബാലാജിയുടെ സുഹൃത്ത് കൊങ്കു മെസ് മണിയുടെ കരൂര് രായന്നൂരിലെ വീട്ടിലും റെയ്ഡ് നടത്തി. മുന് എഐഎഡിഎംകെ ഭരണത്തില് ഗതാഗത മന്ത്രിയായിരിക്കെ, ജോലിക്ക് പകരം പണം വാങ്ങി അഴിമതി നടത്തിയ കേസില് ജൂണ് 14 നാണ് സെന്തില് ബാലാജിയെ ഇഡി അറസ്റ്റ് ചെയ്തത്.
