പുനലൂര്: ബുധനാഴ്ച നടക്കുന്ന വിനായക ചതുര്ഥി ആഘോഷം സമാധാനകരമാക്കാന് അതിര്ത്തിയില് മുന്കരുതലുകള് സ്വീകരിച്ച് തമിഴ്നാട് പൊലീസ്. ഏതാനും വര്ഷം മുമ്ബ് ചെങ്കോട്ട നഗരപരിധിയില് ഗണേശ ചതുര്ഥി ഘോഷയാത്രക്കിടെയുണ്ടായ കലാപത്തെതുടര്ന്ന് വന് ക്രമസമാധാന പ്രശ്നവും ഉണ്ടായി. ഈ സാഹചര്യം പരിഗണിച്ചാണ് മുന്കരുതലുകള്.
സുരക്ഷയുടെ ഭാഗമായി കേരളത്തില്നിന്ന് ആര്യങ്കാവിലൂടെ തമിഴ്നാട്ടില് പ്രവേശിക്കുന്ന വാഹനങ്ങളും യാത്രക്കാരെയും ചെങ്കോട്ട നഗരാതിര്ത്തിയില് കര്ശനമായ പരിശോധനക്ക് ശേഷമാണ് പൊലീസ് കടത്തിവിടുന്നത്.
ചെങ്കോട്ടയില് മാത്രം എണ്ണൂറോളം പൊലീസുകാരെ സുരക്ഷക്കായി നിയോഗിച്ചു. ചെങ്കോട്ടയില് തെങ്കാശി എസ്.പി കൃഷ്ണരാജിന്റെ നേതൃത്വത്തില് 300ലധികം പൊലീസുകാര് ചൊവ്വാഴ്ച പരേഡ് നടത്തി. ചെങ്കോട്ട നഗരപരിധിയില് മാത്രം 34 ഗണപതി വിഗ്രഹങ്ങള് പൂജക്കായി സ്ഥാപിച്ച് വിഗ്രഹപൂജകള് ശേഷം ഗുണ്ടാറാറ്റില് ഘോഷയാത്രയായി കൊണ്ടുപോയി നിമജ്ജനം ചെയ്യും.
പ്രേക്ഷകരുടെ പരാതി കേട്ടു! കോബ്രയുടെ 20 മിനിറ്റ് വെട്ടിക്കുറച്ചു; ഇന്നു വൈകിട്ടു മുതല് തിയറ്ററില് പുതിയ പതിപ്പ്
വിക്രം നായകനായി എത്തിയ പുതിയ ചിത്രം കോബ്ര കഴിഞ്ഞ ദിവസമാണ് പുറത്തുവന്നത്. സമ്മിശ്ര പ്രതികരണമാണ് ചിത്രത്തെക്കുറിച്ച് വരുന്നത്. മൂന്നു മണിക്കൂറോളം വരുന്ന ചിത്രത്തിന്റെ ദൈര്ഘ്യത്തില് അസംതൃപ്തി പ്രകടിപ്പിച്ച് പ്രേക്ഷകര് രംഗത്തെത്തിയിരുന്നു. ഇപ്പോള് എല്ലാവരുടേയും പരാതി ചെവിക്കൊണ്ട് സിനിമയുടെ 20 മിനിറ്റ് വെട്ടിക്കുറച്ചിരിക്കുകയാണ് അണിയറ പ്രവര്ത്തകര്.
ചിത്രത്തിന്റെ നിര്മാതാക്കളാണ് വിവരം ആരാധകരെ അറിയിച്ചത്. ആരാധകരുടെയും നിരൂപകരുടെയും വിതരണക്കാരുടെയും അഭ്യര്ഥന മാനിച്ചാണ് ചിത്രത്തിന്റെ ദൈര്ഘ്യം കുറയ്ക്കാന് തീരുമാനിച്ചതെന്ന് അണിയറ പ്രവര്ത്തകര് അറിയിച്ചു. ചിത്രത്തിന്റെ പുതിയ പതിപ്പ് ഇന്ന് വൈകിട്ട് മുതല് തിയറ്ററുകളിലെത്തും.
അജയ് ജ്ഞാനമുത്തു സംവിധാനം ചെയ്ത ചിത്രം ഓഗസ്റ്റ് 31നാണ് തിയറ്ററുകളില് എത്തിയത്. ആദ്യദിനം തമിഴ്നാട്ടില് നിന്നും 12 കോടി വാരിയിരുന്നു. ശ്രീനിധി ഷെട്ടിയാണ് നായിക. മുന് ഇന്ത്യന് ക്രിക്കറ്റ് താരമായ ഇര്ഫാന് പഠാനും പ്രധാന വേഷത്തിലെത്തി. മലയാളി താരങ്ങളായ റോഷന് മാത്യു, സര്ജാനോ ഖാലിദ്, മിയ ജോര്ജ്, മാമുക്കോയ എന്നിവരും പ്രധാന വേഷങ്ങളില് എത്തുന്നുണ്ട്. സെവന് സ്ക്രീന് സ്റ്റുഡിയോയുടെ ബാനറില് എസ്.എസ്. ലളിത് കുമാര് നിര്മിക്കുന്നത്.
