തമിഴ്നാട് ;ഞായർ ഒഴികെ പുലർച്ചെ 5.30 മുതൽ രാത്രി 11 വരെ മെട്രോ സർവീസ്

മെട്രോ ട്രെയിൻ സർവീസുകളുടെ സമയക്രമം സാധാരണ നിലയിലേക്കു മാറ്റിയതായി ചെന്നൈ മെട്രോ റെയിൽ ലിമിറ്റഡ് (സിഎംആർഎൽ) അറിയിച്ചു. തിങ്കൾ മുതൽ ശനി വരെയുള്ള ദിവസങ്ങളിൽ പുലർച്ചെ 5.30 മുതൽ രാത്രി 11 വരെ മെട്രോ ട്രെയിൻ സർവീസ് നടത്തും. രാവിലെ 8 മുതൽ 11 വരെയും വൈകിട്ട് 5 മുതൽ 8 വരെയും 5 മിനിറ്റ് ഇടവേളയിൽ സർവീസുകളുണ്ടാകും. സംസ്ഥാനത്തെ രാത്രി കാല ലോക്ഡൗൺ പിൻവലിച്ച പശ്ചാത്തലത്തിലാണ് തീരുമാനം. ഞായറാഴ്ചകളിൽ രാവിലെ 7 മുതൽ രാത്രി 10 വരെ 10 മിനിറ്റ് ഇടവേളയിൽ സർവീസുകൾ ഉണ്ടാകും. കോവിഡ് പശ്ചാത്തലത്തിൽ മെട്രോ സ്റ്റേഷൻ പരിസരങ്ങളിൽ മാസ്ക് ധരിക്കണമെന്നു സിഎംആർഎൽ യാത്രക്കാരോട് അഭ്യർഥിച്ചു.