തമിഴ്നാട് വാർത്തകളുടെ chennaimalayali.com അപ്ഡേറ്റുകൾ ലഭിക്കാൻ ജോയിൻ ചെയ്യുന്നതിനുള്ള ലിങ്കുകൾ 👉 Whatsapp https://chat.whatsapp.com/Hw2c3yEL1xS3kG7g5iwHDe
👉 Facebook https://www.facebook.com/chennaimalayalimedia
👉 Telegram https://t.me/joinchat/-y1PYqx0N5xmYzdl
പത്തനംതിട്ട : തമിഴ്നാട് കമ്ബത്തുനിന്ന് കഞ്ചാവ് കടത്തിക്കൊണ്ടുവന്ന കാര്‍ പൊലീസിനെ വെട്ടിച്ചു കടന്നുവെങ്കിലും പോലീസ് പിന്തുടര്‍ന്ന് പിടികൂടി.ജില്ലാ പൊലീസ് മേധാവിക്ക് ലഭിച്ച രഹസ്യവിവരത്തെതുടര്‍ന്ന് കൂടല്‍ പൊലീസ് കൈകാണിച്ചുവെങ്കിലും നിറുത്താതെ പാഞ്ഞ കാറിനെ പിന്തുടര്‍ന്നെത്തി പത്തനംതിട്ട വെട്ടിപ്രത്തുവച്ച്‌ ജീപ്പ് കുറുകെയിട്ട് പിടികൂടുകയായിരുന്നു.
ഇന്നലെ പുലര്‍ച്ചെയാണ് സംഭവം.
സംഭവത്തില്‍ പത്തനംതിട്ട വലഞ്ചുഴി സ്വദേശികളായ രണ്ട് യുവാക്കളെ 6 കിലോഗ്രാം കഞ്ചാവുമായി അറസ്റ്റ് ചെയ്തു. കാറില്‍ രഹസ്യമായി സൂക്ഷിച്ച നിലയിലായിരുന്നു കഞ്ചാവ്. വലഞ്ചുഴി കുരുട്ടിമെര്‍ക്ക് വീട്ടില്‍ പിച്ചക്കനിയുടെ മകന്‍ ഹാഷിം (32), വലഞ്ചുഴി പള്ളിമുരുപ്പേല്‍ വീട്ടില്‍ ഇസ്മായിലിന്റെ മകന്‍ അഫ്‌സല്‍ (27) എന്നിവരാണ് അറസ്റ്റിലായത്. ലഹരി സംഘങ്ങളുമായി ബന്ധമുണ്ടെന്ന് വിവരം ലഭിച്ചതിനെത്തുടര്‍ന്ന് പൊലീസിന്റെ നിരീക്ഷണത്തിലായിരുന്നു ഇവര്‍ .
