ചെന്നൈ: പ്രശസ്ത സിനിമാതാരവും ഡിഎംഡികെ നേതാവുമായ നടൻ വിജയകാന്തിന്റെ ആരോഗ്യനില തൃപ്തികരമല്ലെന്ന് റിപ്പോര്ട്ട്. ചെന്നൈയിലെ സ്വകാര്യ ആശുപത്രിയില് കഴിയുന്ന അദ്ദേഹത്തിന് ശ്വാസകോശ പ്രശ്നങ്ങള് തുടരുകയാണ്. രണ്ടാഴ്ച കൂടി ചികിത്സയില് തുടരേണ്ടി വരുമെന്നാണ് റിപ്പോര്ട്ട്. ശ്വാസകോശ സംബന്ധമായ അസുഖത്തെ തുടര്ന്ന് നവംബര് 20-നാണ് വിജയകാന്തിനെ ആശുപത്രിയില് പ്രവേശിപ്പിച്ചത്.
എന്നാല് പതിവ് പരിശോധനകള്ക്ക് വേണ്ടിയാണ് അദ്ദേഹത്തെ ആശുപത്രിയില് പ്രവേശിപ്പിച്ചിരുന്നതെന്നാണ് വിജയകാന്തിന്റെ ബന്ധുമിത്രാദികള് സൂചിപ്പിച്ചിരുന്നത്. ഉടനെ ഡിസ്ചാര്ജ് ചെയുമെന്നും അറിയിച്ചിരുന്നു. എന്നാല് അദ്ദേഹം രണ്ടാഴ്ച കൂടി അവിടെ തുടരുമെന്നാണ് ആശുപത്രിയില് നിന്നുള്ള വാര്ത്തകള്.
